សហរដ្ឋអាមេរិក៖ ប្រធានាធិបតីអាមេរិក Joe Biden អ៊ីស្រាអែលបានឯកភាពមិនធ្វើសកម្មភាពយោធាណាមួយឡើយនៅក្នុងតំបន់ហ្គាហ្សានាអំឡុងពិធីបុណ្យរ៉ាម៉ាឌន ហើយលោកបាននិយាយថារដ្ឋអ៉ីស្រាអែលអាចនឹងប្រឈមមុខនៅការបាត់បង់ការគាំទ្រពីបណ្ដាប្រទេសនានាផងដែរ ខណៈដែលចំនួនប្រជាជនស៊ីវិលប៉ាឡេស្ទីនកាន់តែស្លាប់ច្រើនទៅៗ។ 

នៅក្នុងកម្មវិធីមួយរបស់ទូរទស្សន៍ NBC លោក Biden បានបង្ហាញការកត់សម្គាល់ថា អ៊ីស្រាអែលបានប្តេជ្ញាចិត្តដើម្បីធ្វើយ៉ាងណាឱ្យមានការជម្លៀសចេញនូវជនស៊ីវិលប៉ាឡេស្ទីនចេញពីតំបន់ Rafah មុនពេលចាប់ផ្តើមយុទ្ធនាការយោធាទ្រង់ទ្រាយធំរបស់ខ្លួន ដែលអ៊ីស្រាអែលបានហៅវាថាជាការបោសសម្អាតក្រុមសកម្មប្រយុទ្ធហាម៉ាស់។ 

នៅក្នុងកម្មវិធីដែលបានចាក់ផ្សាយនៅយប់ថ្ងៃអង្គារម្សិលមិញ លោក Joe Biden ថ្លែងថា៖ "កិច្ចព្រមព្រៀងបទឈប់បាញ់មួយត្រូវបានព្រមព្រៀងឡើង និងឯកភាពរួចរាល់ហើយដោយភាគីទាំងពីរ ដោយរួមទាំងការដោះលែងចំណាប់ខ្មាំងផងដែរ"។ លោកបានបន្ថែមថា ជាពិសេសនៅក្នុងអំឡុងខែដ៏ពិសិដ្ឋនៅពិធីបុណ្យរ៉ាម៉ាឌននេះ ភាគីអ៊ីស្រាអែលនឹងពុំមានសកម្មភាពណាមួយឡើយអំឡុងពិធីបុណ្យនេះ ជាឱកាសដ៏សមស្របក្នុងការរំដោះ និងនាំយកចំណាប់ខ្មាំងទាំងអស់ត្រឡប់មកវិញ"។ 

គួរឱ្យដឹងថា ពិធីបុណ្យរ៉ាម៉ាឌន សម្រាប់ឆ្នាំ២០២៤ នេះ គ្រោងនឹងចាប់ផ្តើមនៅល្ងាចថ្ងៃទី១០ ខែមីនា ហើយនឹងបញ្ចប់វិញនៅថ្ងៃទី៩ ខែមេសា៕